फेदाप गाँउपालिकाको वेबसाइटमा हार्दिक स्वागत छ ।
" नतिजामुखी प्रशासन: समृद्धि र सुशासन "

फेदाप गाउँपालिकाकाे संक्षिप्त परिचय

नेपालको पुर्वाञ्चल बिकास क्षेत्र अन्तर्गत पर्ने कोशी अञ्चलको ६ जिल्ला हरु मध्येको एक तेह्रथुम जिल्लाका पुर्ब क्षेत्रका साबिकका ५ गाउबिकास समितिहरु सिम्ले,जलजले,ओयाक्जुङ,सम्दु र ईसिबुको संयोजना भई हाल एक नम्बर प्रदेश अन्तरर्गतका स्थानिय तहहरु मध्ये फेदाप गाउपालिका २०७३/११/२७ मा नेपाल राजपत्रमा प्रकाशित सुचना बमोजिम गठित एक स्थानिय तह हो। भौगोलिक रुपमा बिकट र दुर्गम भएता पनि फेदाप गाउपालिकाको भौगोलिक, ब्यबसायिक, वाताबरणीय, धार्मीक,एेतिहासिक,पर्यटकिय लगायतका बिभिन्न बहु आयमिक पक्षहरुबाट महत्वपुर्ण पहिचान रहेको छ । स्थानिय लिम्बु जातिहरुको मान्यता अनुसार "१० लिम्बुवान, १७ थुम " मध्ये एक "फेदाप" रहेकोले एेतिहासिक रुपमा यस गाउपालिकाको नामा "फेदाप" रहन गएको हो। नेपालको जनगणना २०६८ अनुसार १७७०० जनसंख्या रहेको यस गाउपालिकाका मुख्य उत्पादनको रुपमा अलैंचि, अदुवा, धान, आलु, मकै, फापर, कोदो, तोरी रहेका छन भने  उच्च भु-भागमा अति मुल्यवान र महत्वपुर्ण जडिबुटी जस्तै चिराइतो, मजिटो आदी पाइन्छ ।